පල්ලේපත්තුව කුකුළු කෝරලය

පල්ලේපත්තුව කුකුළු කෝරලය

ලංකාවේ ජාතික උරැමයන් ලෝකයට හෙලිකළ ප්රාග් ඓතිහාසික භූගෝලීය, ආර්ථික,සමාජීය හා සංස්කෘතිකාංගයන්හි මූලික දත්තයන් හමුව ඇත්තේ සබරගමුවෙනි.

සබරගමුව ඉපැරණි බෙදීම් අනුව රැහුණු හා මායා රටට අයත් විය. රත්නපුර රැහුණු රටටත්, කෑගල්ල මායා රටටත් අයත් විය. 

අතීතයේ සබරගමුව කෝළ හා පත්තු ලෙස විවිධ පාලන ඒකකයන්ට බෙදී තිබී ඇත.

එහිදී සබරගමුව 

කුරැවිටි,නවදුන්,කුකුළු,අටකලන්,කඩවතු,මැද හා කොලොන්න 

                   යනුවෙන් කෝරලයන් හතකට බෙදා තිබී ඇත.

මෙම කෝරලයන්ගෙන් කුකුළු කොරලයට අයත්වන්නේ සුවිශේෂී ස්ථානයකි.

කුකුළු කෝරලය යන නම පටබැඳී ඇත්තේ පහත ආකාරයටය.

මෙහි ඉතිහාසය දෙවන රාජසිංහ රජ දවස තෙක් ඈතට විහිද යයි. (1629 - 1687 ) එකල පල්ලේපත්තුවේ පරගල ගමෙහි සිටි ගම් ප්රධානියෙකු වූ ටිකිරි කෝරාළ කුකුලන් පොර කෙටවීමේ රජ වාසලේ පැවති උත්සවයකට කුකුලෙකු ගෙනගොස් එහි සිටි අනෙක් කූකුලන් හා සටන්කොට ජයග්රහණය ලබා ඇත. ඒ පිලිබදව පුදුමයට පත් රජතුමා කවිකාර මඩුවේදී පරගල ටිකිරි කෝරළේට ගම්වරයක් තෑගි දී ' පරගල විජේසුන්දර කූකුලු කෝරාළ' යන නාමය ලබා දී ඇත.

එදා පටන් දිග්ගම්පල් කෝරළය ලෙස පැවති කෝළය කුකුළු කෝරළය බවට පත්විණි.එය පහත ජන කවියෙන් වඩාත් තහවුරැ වෙයි.

දිග්ගම්පල්ගම කුකුළා රලුකර පොරයට එන හඬ හඬලාලා

එකින් එකා මහා වාසල බල ඇති කුකුලන් මැරැවා මුල් සිඳලා

පුදුම වෙලා නරනිඳු කවදාවත් නුදුටුව මේ විශ්මය දැකලා

මතක් වන්ට මෙහි නම දිග්ගම්පල් කුකුළු කෝරලේ කව් එකලා

මෙම බිම කුකුළු කෝරළේ වීමට පෙර 'කුකුළ' නමින් හැඳින්වූ බවටද මතයක් තිබේ. ඒ බව අලගිවන්න මුකවෙටිතුමා රචනා කළ 'කුස්තන්නීනු සටනෙහි 17 වන කවියෙන්' පැහැදිලි වේ.

දෙනවක පස් රටක් -     මාතොට දෙසත්                                                       බලවත්

කුකුළ පස් යොත්නක් - අවුල් කරමින් සදා                                                  පෙරළත්

ස්වභාවික පිහිටීම අතින්ද මෙම කෝරළය කුකුලෙකුගේ හැඩහුරැකම ගනී.බෙරගල දක්වා විහිදී ඇති කඳුවැටිය කියත් දැති පෙලක් මෙන් පෙනේ. එය හරියටම කුකුලෙකුගේ කරමලය වැන්න. මෙම පෙදෙස් පසුකරමින් ගංගා දෙකක් ගලා බසියි.

මින් එකක් කුකුළු ගඟවේ. අනෙක කළු ගඟවේ. කුකුළු කෝරලය නැමති කුකුලාගේ පා දෙක මේ දෙ ගංගා වේ. ජන කවියා එයද අපූර්ව ලෙස පෙන්වා තිබේ.

උසට පෙනෙන බෙරගල සිරස        කරමල

රැවට ගලන ගංගා දෙකය               දෙකකුල

දෙපිට දෙපිය යුග වදනි විය දෙකඳු        පෙළ

එවිට පෙඳය මෙනි සති දුනු කෙයිය       ගල

කුකුළු කෝරලයේ පල්ලේපත්තුවේ ප්රධාන නගරය වූයේ අයගමයි.

හෙළ නරපතියන්ගේ කාලයේ රජයේ ආදායම හෙවත් අය එකතු කළ මධ්යස්ථාන මෙය වූ බැවින් අයගම නම ලැබී තිබේ. මෙහි මහනුවරින් ගෙනත් පදිංචි කළ ආදායම් ලේකම් කෙනෙක්, ආරච්චි කෙනෙක්, මුර මුදලි කෙනෙක්ද සිට ඇත.